ಉಡುಪಿ: ಜೆಡಿಎಸ್ ಪಕ್ಷದ ುಡುಪಿ ಜಿಲ್ಲಾ ಕಾರ್ಯಾಧ್ಯಕ್ಷ ಗುಲಾಂ ಮಹಮ್ಮದ್ ಅವರನ್ನು ಬೆಂಗಳೂರಿನ ಸಿಸಿಬಿ ಪೋಲೀಸರು ಇಂದು ಬೆಳಗ್ಗೆ ಬಿಡುಗಡೆಗೊಳಿಸಿದ್ದಾರೆ.
ಕುಖ್ಯಾತ ಭೂಗತ ಲೋಕದ ದೊರೆ ರವಿ ಪೂಜಾರಿಯ ಸಂಪರ್ಕ ಇದೆ ಎಂದು ಆರೋಪ ಹೊರಿಸಿ ಸೋಮವಾರ ಬೆಳಗ್ಗೆ 10 ಗಂಟೆಗೆ ಗುಲಾಂ ಅವರನ್ನು ಅವರ ಹೆಜಮಾಡಿಯಲ್ಲಿರುವ ನಿವಾಸದಿಂದ ಬಂಧಿಸಿ ಬೆಂಗಳೂರಿಗೆ ಕರೆದೊಯ್ದಿದ್ದರು ಸಿಸಿಬಿ ಪೋಲೀಸರು.
ಒಂದಿಡೀ ದಿನ ವಿಚಾರಣೆ ನಡೆಸಿದ ಪೋಲಿಸರು ಬುಧವಾರ ಬೆಳಗ್ಗೆ ಬಿಡುಗಡೆಗೊಳಿಸಿದರು.
ಹೀಗೆ ಬಿಡುಗಡೆಗೊಳಿಸುವುದಾದರೆ, ಬಂಧಿಸುವ ಅಗತ್ಯವಿತ್ತೇ ?, ಕೇವಲ ವಿಚಾರಣೆ ನಡೆಸುವುದು ಮಾತ್ರ ಉದ್ದೇಶವಾಗಿತ್ತು ಎಂದಾದರೆ, ಹೆಜಮಾಡಿಯಲ್ಲಿರುವ ಅವರ ನಿವಾಸದಲ್ಲಿಯೇ ವಿಚಾರಣೆ ನಡೆಸಬಹುದಿತ್ತಲ್ಲ ? ಎಂಬೆಲ್ಲ ಪ್ರಶ್ನೆಗಳು ಇದೀಗ ಉದ್ಬವಿಸಿದ್ದು, ಪೋಲೀಸರೇ ಉತ್ತರಿಸಬೇಕಾಗಿದೆ.
